Sorkar sikul tharte tan sorkarin theihtawp a chuah - Education Minister

Mizoram Government School Teachers' Union (MIGOSTU) chuan June 11, Thawhlehni khan Chanmari YMA Hall-ah Special Conference an nei a, School Education minister Dr Vanlalthlana'n a hmanpui. Minister chuan, sorkar sikula dah thara zirtirtute mamawh tihlawhtling turin sorkarin theihtawp a chhuah thu a sawi.

Dr Vanlalthlana chuan, sorkarin zirna a ngaih pawimawh avangin School Education department-a la thleng ngai lo thil thar hmuh zel a beisei thu a sawi a, "Tun hnaia sikul provincialise thara zirtirtute mamawh chu tihlawhtling turin sorkarin theihtawp a chhuah a, sorkarin in pualin budget-ah sum hman tur a dah a, chak taka hmalak zel a ni ang," a ti.

Zirtirtu kal khawmte chu zirlaite taima tak leh puitling ngei tura zirtir tura chahin Minister chuan, "Mahni kea ding theia chher chhuak tur leh nunphung ṭha leh kalphung dik, life skill hrang hrang leh environment humhalh pawimawhziate zirtir uar ang che u. 'Intodelh zirtirna' pawh high school-ah kalpui a nih thuai ka beisei," a ti a; ram leh sorkar ṭha siam turin zirtirtute an pawimawh thu a sawi.