NSS hmalaknate thlirho a ni

National Service Scheme (NSS) State Advisory Committee chu nimin khan an chairman Lalnginglova Hmar, Sports & Youth Services minister hoin a pisaah an ṭhukhawm a; NSS Cell, Mizoram-in hmachhawp hrang hrang a neihte sawihoa pawm a ni.

Ṭhutkhawmah hian SYS secretary Lalramsanga Sailo, a kaihhnawih sorkar department aiawh te, Association for Voluntary Blood Donation leh MSACS aiawhte an tel a, Guwahati aṭangin NSS regional director Janjilong-in a hmanpui. NSS Cell Mizoram state nodal officer F Sangvuana'n kum kal taa Mizoram NSS hmalaknate a sawifiah.