Mizo film tipût rutua puhte man

Mizoram Police-a Cyber Crime police-te chuan Mizo film siam tipût rutua an puh Champhai lam mi pahnih chu June 11, Thawhlehni khan an man.

Thu dawn danin, Lersia Play application neitute chuan an apps-a film an dah chu tipût ru an awm avangin Cyber Crime Police Station-ah May 7, 2024 khan FIR an thehlut a ni. Police-te chuan inhnamhnawih leh mawhphurtu nia an hriat mi pahnih - mipa leh hmeichhe chu June 11 khan Champhai aṭangin an man a, nimin khan Aizawlah an hruai thla a ni.

Mizo film pût ru kaihhnawihah tho Lawngtlai khaw mi pakhat chu movie screen record a tidarh ngei tih tun hnai khan finfiah a nih avangin legal notice pek a ni a, Rs 3,00,000 chawi tura tih a ni bawk.