Heroin kg. 2.340 man

Mizoram Police-a CID (Crime) hnuaia Special Narcotics Police Station leh 2nd Assam Rifles mite chuan nimin chhun dar 12:20 khan Saitual quarry bulah Ginsiankhawmmung (31) s/o Lianchin (L), Bulfek, Myanmar nia inchhâl hnen aṭangin heroin (no.4) kg. 2.340 (hawng 200) an man.

Heroin an man hi Rs 70,20,000 hû a ni a, Ginsiankhawmung lakah hian NDPS Act leh Foreigners Act tlawhchhanin thubuai ziah luh a ni. A thurualpui nia hriat Lalthansanga (39) s/o Lalrinliana Sailo, Bethlehem Vengthlang pawh police-te'n an man bawk.