Kah râi aṭangin vawk no 41,299 piang

Mizoram Pig Producers’ Cooperative Federation (PIGFED) chuan nimin khan Chanmari YMA Hall-ah Annual General Meeting vawi 29-na an hmang a, Cooperation minister PC Vanlalruata'n a hmanpui. Kum 2023-24 chhungin vawk an kah rai aṭangin vawk no 41,299 a piang tih tarlan a ni.

Cooperation Minister chuan, Mizoram sorkarin society-te pawimawhna a hria a, hmalaknate chak zawka kalpui a nih theih nan ṭanpui a tum thu a sawi a, "Vawksa leh vawk chawah kan intodelh a ṭul a, vawk chawa intodelh turin feed processing unit din belh a pawimawh," a ti.

He huna tarlan danin, kum 2023-24 chhung khan ar­ti­fi­cial insemination technology hmanga vawk kah rai aṭangin vawk no 41,299 a piang a, a hlut zawng chu Rs 28,90,93,000-a chhût a ni. PIGFED hnuaiah hian primary society 164 an awm mek.