Central YMA-in YMA Day chibai bûkna thilpek a hlan

Central YMA chuan naktuk June 15-a YMA Day vawi 90-na thleng tur pualin nimin khan Aizawl leh a chhehvela damdawi-in leh home ṭhenkhatah YMA Day chibai bûkna thilpek Rs 15,000 ṭheuh an hlân.

CYMA hian YMA Day chibai bûkna thilpek hi Rs 15,000 ṭheuh bakah, Ṭawngṭai Bethel Camping Centre hnenah buhfai ip 100, Thutak Nunpuitu Team hnenah buhfai ip 50 leh OKM Home hnenah buhfai ip 25 an pe a; India ram state hrang hranga Mizo welfare 16 hnenah Rs 15,000 ṭheuh an pe bawk.