Incentive Award for Schools sem a ni

Samagra Shiksha, Aizawl district chuan nimin khan School Education Complex hall-ah Incentive Award for Schools sem inkhawm an buatsaih a, sikul 18 hnenah chawimawina an hlân.

Award hlanna inkhawm hi Samagra Shiksha deputy district project coordinator R Zonunumawia'n a kaihruai a, Aizawl district education officer Lalramthianghlima'n thuchah a sawi. Award dawng tur hian Samagra District Project Office-in sorkar sikul aṭangin an thlang a, award hian pawisa leh thuchei a keng.

Aizawl district-ah sorkar enkawl primary school 217, middle school 164, high school 66 leh higher secondary school 18 an awm mek a ni.