MP tharin union minister-te a kâwm

Lok Sabha MP thar Richard Vanlal­hma­ngaiha chuan nimin khan New Delhi-ah Tourism minister Gajendra Singh Shekhawat leh DoNER minister Jyoti­raditya M Scindia te a kâwm a, Mizo­ram hmasawnna tur thilte a sawipui.

Richard Vanlalhmangaiha hian Union Tourisim Minister chu Mizoramin tourism tihhmasawnna turin theihna (potential) a ngah thu a hrilh a; bikin MP Model Village atana a thlan tur chu tourism lama tihhmasawn a nih theih nan hmalakpuiah a sawm.

Gajendra Singh Shekhawat chuan, tourism tihhmasawnna turin theihtawp a lo chhuah tur thu leh, project chhen­fâkawm tak tak siam tura a duhpui thute Mizoram MP a hrilh.

Development of North Eastern Region (DoNER) minister Jyotiraditya M Scindia pawhin Mizoram tihhmasawn nan theihtawp a chhuah tur thu Richard Vanlalhmangaiha a hrilh a, project ṭha tak tak thehlut turin a chah a ni.

Lok Sabha MP hian MoS for Consumer Affairs, Food and Public Distribution BL Verma, Minister for Ports, Shipping and Waterways Sarbananda Sonawal, Textiles Minister Giriraj Singh leh Agriculture and Farmers Welfare and Rural Development Minister Shivraj Singh Chauhan-te pawh June 13, Ningani khan a kawm.