Economic nationalism ngaih pawimawh a ṭul - K Vanlalvena

Rajya Sabha MP K Vanlalvena chuan nimin khan Mizo Hnam Rûna inkhawmah thu sawiin, religious nationalism vawng nung chunga economic nationalism ngaih pawimawh a ṭul thu a sawi.

K Vanlalvena chuan, hnam ding chhuak tawh pawh nationalism an neih loh chuan an buai zel nia sawiin, "Mizote hi political nationalism-ah chuan kan ṭhangharh tawh a, buaina kan tawh chángin kan ṭangrual ṭha. Economic nationalism-ah erawh kan mit a la keu lo hle. Religious nationalism vawng nung zelin econo­mic nationalism hi kan ngai pawimawh ber tur a ni. Tangkaa hausa ringawt hi hausa an ni lo," a ti.

Ram dinchhuahna turin economic nationa­lism ngaih pawi­mawh hmasak ber a ṭul nia sawiin Vanlalvena chuan, "Nationalism nei lo hnam an dingchhuak ngai lo. Maruari ho pawh vai sumdawng hausa hming emaw kan ti hial tawh a, hnam hming a ni tih hre lo tam tak kan awm tawh. India ramah sumdawn an thiamin an hausa em em a, UT leh state erawh an nei lo a, nationalism an neih loh vang a ni," a ti.