Pawisa khawn titawp turin hriattir

Mizoram sorkara Home department chuan, district magistrate-te leh SP-te chu an huam chhungah dan loa pawisa khawn titawp a nih theih nan hma la turin a hriattir.

Sorkar thuchhuah chuan, mimal leh pawl ṭhenkhatin state chhunga lirthei lutte aṭangin pawisa an laksak ṭhin sorkarin a hria tih a tarlang a, "State sorkar remtihna lo leh danin a phût vang ni loa pawisa lo khawn hi sorkar chuan a ngai thutak hle. District magistrate-te chu an thuneihna huam chhungah dan loa pawisa khawn titawp turin thuchhuah siam tura hriattir an ni. District SP-te pawh district magistrate thuchhuah kenkawhna kawnga a ṭul anga hma la tura hriattir an ni bawk," a ti.