YMA Day pualin faina hnatlang

Republic Veng Local Council leh YMA Branch chuan June 15, Inrinni khan YMA Day pualin Save the Riparian-te nen faina hnatlang an huaihawt a, Aizawl mayor Lalrinenga Sailo-in a hmanpui.

Lalrinenga Sailo chuan, "Aizawl khawpui tifai turin kan la tlai lo. Republic Veng a harh chhuak hmasaa in ṭang hi a lawmawm. Mizote hi septic tank thlì paih dan leh bawlhhlawh paih danah hma kan sawn a ṭul," a ti a; hnatlang tura kal khawmte chu mi dang tana entawn tlaka awm turin a chah.

Hnatlangpui neih hma hian chhiatrupna laka inven nan veng chhung hmun hrang hrangah tuichhe paihna dinhmun zir chian a ni a; tui chhe paihna nei ṭha lote chu siamṭha tura tih an ni. Vantlang rama tuichhe paihna ṭha tâwk lo siamṭhat dan turah hmalak a ni bawk.

Republic Vengah hian chhungkua 965 an cheng a, mi 4,210 an awm a; an veng huam chhungah lui kawr pasarih a awm a ni.