MBJP-in street campaign an buatsaih

AMC Ward No. XIX by-election neih tur atan Mizoram BJP chuan June 14, 2024 zing khan street campaign an buatsaih a, thusawitu MBJP president Vanlalhmuaka'n an party candidate vote turin Ward No. XIX mipuite a sawm.

Vanlalhmuaka chuan, ward XIX chuan harsatna nasa tak an tawh mek thu sawiin, "He harsatna kan tawhnaah hian state sorkar puihna piah lamah central puihna ṭha zawk kan hmuh theihna turin BJP Candidate hi a pawimawh hle dawn. He ward hi model ward ni tura siam turin hma kan la dawn," a ti.

MBJP President chuan ward XIX-ah hian BJP Candidate an thlang tling a nih ngat chuan Union Minister of Housing and Urban Affairs Manohar Lal Khattar rawn kalin, khawtlang hruaitu te leh NGO-ten khawtlang harsatna hrang hrang leh an mamawhte a hmun ngeiah an thlen theih tur thu a sawi.