Mizoramah ráltlân 44,749 an awm

Home department-in a chhinchhiah hnuhnung ber angin Mizoramah Myanmar, Bangladesh leh Manipur aṭanga ráltlân mi 44,749 an awm mek.

Ráltlan zingah hian Myanmar aṭanga rawn kal tam berin, mi 33,926 an ni a, mipa 10,177, hmeichhia 10,905 bakah, naupang 12,844 an ni. Mizorama district 11-ah an awm kim a, an zinga 9,987 chu relief camp-ah awmin, a bak zawng chu chhungkhat laina hnai bèl leh mi in luahin an awm a ni.

Bangaldesh aṭanga raltlan mi 1,872 an awm mek a, mipa 580, hmeichhia 499 leh naupang 793 an ni. Bangladesh aṭanga rawn lutte hi Lawngtlai district-ah an awm vek a, a tam zawk chu an tana buatsaih relief camp 12-ah an awm a, a dang zawng chu khaw 11-ah an chhungte leh ṭhiante bèlin an awm.

Manipur buaina vanga Mizorama rawn ráltlân mi 8,951 an awm mek a, district pakuaah an awm a, Hnahthial leh Lunglei district-ah an awm lo. An zinga 1,294 chu relief camp-ah an awm a, a bak 7,757 chu an chhungkhat laina hnai bêlin an awm a ni.