Muslim-te Id-Ul Zuha pualin ṭawngṭai

Aizawl Mosque Committee leh Muslim Welfare Society, Mizoram buatsaihin Mizorama Mosolman-te chu nimin khan Joint YMA Field, Vaivakawnah Id-Ul Zuha pualin an ṭawngṭai.

Ṭawngṭainaah hian Aizawl Mosque Committee & Muslim Welfare Society Mizoram general secretary Md. Mamon Majumdar chuan, Mizorama hnathawk tura kalte chu inner line permit ngai pawimawh tura a duh thu sawiin, ILP nung (valid) neih ngei turin a chah a; an khawsakna hmuna ram dante ngaih pawimawh chu an lehkhabu thianghlim Quran-ah pawh tarlan a nih thu a sawi.

Mamon Majumdar chuan, tun hnaia ruahsur leh leimin vanga Mizo mipuite'n chhiatna an tawh chu Muslim Society-in an tawrhpui thu a sawi a; chhiatna vanga thi mi 34-te tan an ṭawngṭai thu leh Chief Minister's Relief Fund-ah pawh pawisa chhûn luh an tum thu a sawi bawk.