Minister-in Champhaia LAD hmun a tlawh

Local Administration Department (LAD) minister C Lalsawivunga chuan nimin khan Champhaia LAD office leh hmunhmate a tlawh a; thawktu indaih lohnate eng emaw chen phuhru turin sorkarin a remchan dan zelin hma a la tih a sawi.

Champhai LAD pisaa thawktute a kawmnaah C Lalsawivunga chuan, office kalphung siamṭhat ngai leh aikal lâk chungchangah sorkarin theihtawp chhuaha hma a lak thu sawiin, sorkar hmalaknate ṭha takin thlâwp turin a chah a, "Thawktu indaih lohnate eng emaw chen phuhru turin sorkarin a remchan dan ang zelin hma a la a ni," a ti a, LAD hmunhmate ṭangkai zawka hman a nih theih nan inráwnkhawm chunga ngaihtuahna sèn tlàn a ṭul thu a sawi.

LAD Minister hian Champhai Kahrawta LAD pisa tlawhin, thawktute a kâwm a; office mamawh an lo thlente chu enfiahin, a ṭul angte en zui a tum thu a hrilh.

Champhai Vengsang PHE Venga LAD ram pawh tlawhin, ṭangkai taka hman dan turte a sawipui a; New Champhaia VC Rest House chu changtlung zawka cheibawl leh ṭangkai taka hman dan turte department hotute a sawipui bawk.