Vaihlo dona kawngzawh huaihawt

World No Tobacco Day (May 31) pualin nimin khan Aizawlah Millennium Centre aṭanga Vanapa Hall thleng zûk leh hmuam dona kawngzawh Walkathon huaihawt a ni a, Health & Family Welfare minister Lalrinpuii'n a telpui.

Health Minister chuan, Mizoramin India ramah pakhatna a neih - HIV vei tamna ber, cancer vei tamna ber leh zûk leh hmuam ti tamna ber tihte chu a chhuanawm loh tih a sawi a, "Zûk leh hmuam ti ṭhinte'n simna ní atana hmang ila, la ti lote ti lo tura intiam ṭheuh turin ka sáwm a ni," a ti.

Walkathon hi National Health Mission, National Tobacco Control Programme leh Comprehensive Primary Health Care ṭanghote'n an buatsaih a ni a; NHM hnuaia programme hrang hrang enkawltute leh Mizoram College of Nursing leh Health Worker Training School zirlaite an tel. Health & Family Welfare principal director Dr Vanlalsawma kahhruaiin vaihlo zûk leh hmuam ti lo tura intiamna thu sawi rual a ni.

World Health Organization kaihhruaiin kum 1988-ah World No Tobacco Day hman ṭhin a ni a, kuminah pawh May 31 khan chief minister Lalduhoma hoin hman a ni.