Lo hâl hun bawhchhia leh ram tikângte dan hmanga hrem an rel

Champhai District Fire Prevention Committee member-te, an chairman Vanlalngaihsaka, Cham-phai DC hoa June 1, 2016-a DC conference hall-a ṭhukhawm chuan, sorkarin lo hâl hun a bituk bawhchhiate hrem ngei an rèl rualin, kângmei veng ṭha khuate chawimawina pek an rél bawk.

Meeting chuan, kum-ina Champhai district-a V/C 105 zingah tehna hrang hranga hmanga kângmei veng
ṭha an thlang a, lawmman dawng turin pakhatna Ai-duzawl, pahnihna Teikhang leh pathumna Kelkang-te an thlang.

Sorkarin lo hâl hun hnuhnung a bituk March 15, 2016 hnu lama lo hâl khuate chu hrem ngei ni se, an ti a; lo hâl hun bawhchhiate chu - Tualchéng, Pàmchung, Vaphai, Chawngtui 'E' leh Ṭhekte khuate an ni.

Kumin chhunga ram tikâng khaw pasarihte chungchang pawh an ngaihtuah a; ram tikângtu khaw V/C-te chungah dan leh thupek kenkawh ngei ni se, an tih bakah, V/C-te chu District Fire Prevention Committee hmaa inlan turin an ti.

Ram tikâng khuate chu - Melbuk, ṭín 10 vel hmun; Tlangsam, ṭín hnih hmun; Zokhawthar, ṭín khat hmun; Hnahlan, ṭín 20 hmun; Farkawn, ṭín 20 hmun; Hrianghmun,
ṭin hnih hmun; Ngopa,
ṭin khat leh a chanve hmun leh, Pàwlráng, ṭin 1,250 hmunte a ni.

Kawngpui kama huan neitute, kawngpui reserve thing zuah tura tih a nih laia kawng kam thing vâttu khaw panga aṭanga huan neitu chhungkaw 43-te chungchang pawh Committee chuan an ngaihtuah.

Dulte-a chhungkaw 12, Chhungte-a chhung-kaw pariat, Dîlkàwna chhungkaw 11, Chawng-tlaia chhungkaw pasarih leh New Chal-ranga chhungkaw pangate chu kawngpui kama thing an vah tel avangin an chungah dan leh thupek kenkawh an rél.