ILP chingfel turin hriattir

Central YMA chuan, Mizorama hnam dang awm, permit nei lo, permit fel lo leh permit phal ang ni loa khawsa leh hna thawkte leh anmahni sponsor-tute chu June 2016 chhung ngeia permit-te tifel tur-in an chah a; huntiam chhunga inchingfel thei lo hnam dangte chu Mizoram aṭanga insaseng mai turin an hriattir.

Central YMA thu-chhuah chuan, June 2016 chhunga Inner Line Permit (ILP) tifel lo hnam dang Mizoram chhunga khawsa an awm chuan, harsatna an lo tâwk a nih pawhin anmahni mawhphurhna a nih tur thu a tarlang. Hemi chungchangah hian YMA sub-headquarters, group leh branch zawng zawngte chu an huam chhungah a ṭul anga hma la turin an ngen a ni.