KHAWTHLIR

Thisen pe

Apostolic Theological Institute chuan, nimin khan blood donation camp an huaihawt a, Synod Hospital tan thisen unit 23 an pe.

Meizial man

Mamit District Anti Tobacco Squad leh Legel Metrology ṭangkawp chuan, Nilaini khan Mamit khawpuia dawr hrang hrangah ram páwn aṭanga dan loa meizial lak luh an vâi a; Hummer carton 28 leh pack pasarih, Valient carton 143 leh pack paruk, Farstar carton 120 leh pack pasarih, Winbody carton 46 carton leh pack pakhat leh Duya pack 11 an man.

Thilpek hlan

State Bank of India, Serchhip Branch chuan nimin khan Serchhip District Hospital tan wheelchair leh trolley panga ve ve an pe. Thilpek hlan pual hian CMO conference hall-ah inkhawm buatsaih a ni a, Serchhip DC Dr Lalrozama'n a hmanpui a ni.

Saphu káwr man

Champhai police-te chuan nimin chawhma dar 9:30 vel khan Champhaiah saphu káwr kg. 93 an man a, a neitua puh C Thanga (38) s/o Chalkhuma, Kolasib nia insawi an man bawk. Saphu káwr an man hi cheng nuai 20 vel hûa ngaih a ni.

DC-in tlawh

Lawngtlai DC Dr A.Muthamma chuan Nilaini khan Lawngtlai District Hospital a tlawh a, damdawi-in dinhmun leh mamawhte a enfiah.

NLUP sem

AH&Vety department chuan nimin khan Mamit, Phaizau leh Damdiai khuaa NLUP hnuaia ar vulh thlangtu chhungkaw 19 hnenah ar in sakna atan Rs. 20,000 ṭheuh an sem.

Career conference

State Council of Educational Research and Training (SCERT) leh Lawngtlai District Education Office-te chuan, nimin khan Lawng-tlai Higher Secondary School-ah Career Conference 2016 an buatsaih a; HSS zirlaite chu an hma lam hun atana pawimawh hrang hrangte an hrilhfiah.