MPCY-in Minister thusawi pawm lo

MPC party ṭhalaite chuan thuchhuah siamin, AH&Vety minister C Ngunlianchunga'n May 27, 2016-a Lawngtlai Cong-ress pisaa thu a sawinaah, Mizorama PRRS léng leh chumi vanga vawk 3,000 chuang thi tawhte NLUP hnuaia vawkte sem aṭanga ṭâi darh a ni lo anga a sawi chu an pawm loh thu an tarlang.

AH&Vety Minister chu sorkar official-te'n Myanmar aṭanga vawktê la lut lo turin thurâwn an pe nia sawiin, MPCY chuan, "Chuti chunga minister Pu C Ngunlianchunga’n a pawisak loh vanga vawk vulhtute chungah chhiatna nasa tak lo thleng taah kan ngai," an ti.

MPCY chuan, Mizo-rama PRRS léng leh PRRS vanga vawk thite chu Vety Minister-in a mawh liau liau a ni tih pawm se an duh thu an sawi a; Mizoram sorkar leh Vety Minister chu PRRS vanga vawk thi neitute zangnadawmna leh chhawmdawlna a rang thei ang bera pe turin an phût.

MPC ṭhalaite chuan, NLUP hnuaia bawng vulh thlangtute'n harsat-na an tawhte vawi duai lo ngaihsak tura minister C Ngunlianchunga an beisei laia bawng vulhtute'n harsatna an tâwk lo anga a insawithiam khum fo chu mak an tih thu an sawi a, "Vety Minister hian kut hnathawktute a hmuhsitna leh a thamlohnaah kan ngai," an ti.

Bawng vulh-tute harsatna chu a hmunah an finfiah vek tawh tih sawiin, mualphona lian zawk an tawh hmaa an harsatna a rang thei ang bera chinfelsak turin an phût a ni.