MSCU-in inkhawmpui an hmang

Mizoram State Co-operative Union (MSCU) chuan, nimin khan Synod Conference Centre-ah Annual General Assembly an hmang a, Cooperation minister Lalrinmawia Ralte-in a hmanpui.

Lalrinmawia Ralte chuan, mihringte dam rei zawng chhûta buai tur a ni lo tih sawiin, "Kan hun neih chhunga kan thil tih hi kan dam rei chhung tehna atan kan hmang zawk tur a ni. Mi dangte tan malsawmna ni a, thil ṭha a tam thei ang ber hnutchhiah hi kan thupui ber ni se," a ti.

Cooperation Minister chuan, Mizoramah public sector enterprise leh private sector enterprise lian mipuite hamṭhatna tham tak tak thlentu an la awm rih lo tih sawiin, "Cooperative society-te tan hmalakna tur hun remchang leh ṭha a tam a, kawng a inhawng zau hle a ni," a ti a; cooperative movement tih chak chu Mizoram innghahna ber tur a nih thu a sawi.

Mizoram State Co-operative Union hnuaiah hian tun dinhmunah co-operative society 1,400 chuang an awm a ni.