MZP-in Thinghlunah thlám an sak chhunzawm

MZP Gen. Hqrs bultumin nimin khan Assam Police leh Forest department-te'n Thinghlun khaw dáia John Zolawma thlám an hâl chhiat tawh sak ṭhat hnatlang neih chhunzawm a ni a; mi ṭhahnem tak an thawk chhuakin, an sa zo.

Thlám sak hnatlang koh a nih aṭanga puitu Thinghlun khawtlang hruaitute inhawnna leh hnatlanga thawk chhuakte chungah te, sorkar thuneitute inpeknaah te, police-te'n an tih tur an tihnaah te, bialtu MLA Lalrindika Ralte-in a tìr aṭanga a tàwp thlenga a puihnaahte an lawm thu, MZP chuan an sawi. Lalrindika Ralte hian hnatlang tàwp ní, nimin khan hnatlangte tan ruai a buatsaih a ni.

MZP Gen.Hqrs chuan, Thinghlun khaw dáia 'Zo fate thlám' ah IR police post dah nghet turin Mizoram sorkar a ngen tih an tarlang.