Aizawl district-a hnathawhte thlirlêt

Aizawl District Vigilance & Moni-toring Committee chu nimin khan an chairman CL Ruala, Lok Sabha MP hoin DRDA conference hall-ah an ṭhukhawm a, Rural Development department hnuaiah sorkar hmalakna kalpui mekte an thlirho.

Meeting-ah hian RD minister R Lal-zirliana, Assembly deputy speaker R Lal-rinawma, parliamentary secy KS Thanga leh MLA Dr Ngurdingliana te an tel.

Meeting-a tarlan danin, Pradhan Mantri Gram Sadak Yojana (PMGSY) hnuaiah kum 2015-16 chhungin sum hman tur cheng vbc. 6452.74 a awm a, hna thawh nan vbc. 4108.76 hman a ni. Darlawn RD Block chhunga Sakawrdai-Zohmun kawng siamtu contractor chu hna a zawh theih loh avangin bàn a ni a, tender thar koh leh niin, contractor dangin hna an thawh chhunzawm mek.

National Rural Drinking Water Programme (NRDWP) hnuaiah kum 2015-16 chhungin sorkar laipuiin cheng nuai 20 a pek hmangin Daido (Darlawn Block)-ah hna thawh zawh a ni a; Swachh Bharat Mission (Gramin) hnuaiah May 2016 thlengin IHHL 1,056 sak zawh tawh a ni.

Aizawl dist.-a PMGSY-a hnathawhte

RD Block No. of road Length

Aibawk 9 Km. 90.41

Darlawn 12 Km. 165.41

Phullen 11 Km. 180.21

Thingsulthliah 7 Km. 88.47

Tlangnuam 2 Km. 11.09