Rajasthan Minister leh Larsap inkâwm

Rajasthan sorkara Rural Development and Panchayati Raj minister Surendra Kumar Goyal chuan May 2, 2016 tlai khan Governor Lt.Gen. Nirbhay Sharma chu Raj Bhavan-ah a kâwm a; Mizoram dinhmun leh sorkar hmalaknate a sawipui.

Rajasthan RD Minister chuan, Rajasthan chu hmun ro a nih avangin tui lamah harsatna an tâwk ṭhin a, tuia an harsatna sukiang tura hmalak dan thar ngaihtuah tur leh state dang tih dante thlîthlai turin an state aṭangin district, block leh village level Panchayati Raj hruaitute leh engineer ṭhenkhatte nen Mizoram an rawn tlawh thu a sawi.

Governor Nirbhay Sharma chuan, Rajasthan sorkar aiawhte chu Mizoram aṭangin hlâwkna tur thil an hmuh ngei a beisei thu sawiin, Mizoram leh Rajasthan ten thawhhona ṭha tak an neih phah a beisei thu leh thingtlang tihhmasawnna hna kalpui dan inzirsak tawn chu ṭha a tih thu a sawi.

Rajasthan RD Minister hi Mizorama tui in tur thianghlim lâk leh sawngbawl dan zir chiang tura lo kal a ni a, Rajasthan Administrative Service-a officer Mahesh Chandra Sharma-a'n a ṭawiawm. Ningani khan LAD leh RD department-a hotute an kawm bakah, Aibawk RD Block-a hmalaknate an en a ni.