Assembly Speaker-in bawlhhlawh paihna a enfiah

Assembly speaker Lalbiakzama chuan nimin khan Aizawl khawpui bawlhhlawh paihna leh sâwngbàwlna hmun, Solid Waste Management Center, Tuirial tlawhin a enfiah. Bawlhhlawh ṭawih thei leh ṭawih thei lo a hranga paih a nih thu te, mumal leh awmze nei taka sâwngbàwl a nih thute AMC hotute'n an hrilh.

Lalbiakzama hnenah hian AMC hotute chuan, bawlhhlawh ṭawih theite chu a vaiin sâwngbàwl a nih thu leh, ṭha takin leiṭha siamna atan hman a nih thu an sawi. Leiṭha siamna hmun an enho nghal a, khawl hmanga chak zawka hnathawh theih dan tur leh bawlhhlawh thliar hran pawimawhnate an sawiho a ni.

AMC hotute chuan bawlhhlawh paih aṭanga thir, plastic, lehkha, etc. lak khawm a nih dan leh ṭangkai zawka hman leh tura company-a thawn chhuah a nih dante Assembly Speaker an hrilhfiah a; SWMC tihchangtlunna atana AMC ruahmannate an sawipui bawk.

Lalbiakzama chuan, Aizawl khawpui bawlhhlawh sâwngbâwlnaah theih­tawpin AMC puih a tum thu a sawi a; mamawh an neihte a hnenah thlen ngam turin AMC hotute a chah.

SWMC, Tuirial tlawh­naah hian AMC aṭangin commissioner Lalhriatpuia, executive engineer Lalmuan­puia leh deputy commi­ssioner K Vanlalruata te an tel a ni.