MNF hruaitute Lawngtlaiah an campaign

LADC MDC by-election lo awm tur atan nimin khan MNF sr. vice president Dr R Lalthangliana leh MNF MLA Lalrintluanga Sailote chuan Lawngtlai an tlawh.

MNF Sr. Vice President chuan Lok Sabha MP inthlan result avangin an party mi tumah hnual lo se a duhthu sawiin, "Keini pawh kum 2019 MP inthlanah khan party zawng zawngin min beih rawn a, vote tam takin kan chak a, tuna ZPM MLA neih zat hi MLA kan nei ve. Tun ṭumah khan Congress nen thawk ho ta i la, vote sing tel fein ZPM MP Candidate kha kan hneh dawn a ni," a ti

LADC-a MDC rinawm taka awmte chu fakin, Congress nen an thawhho theih avanga a lawmthu a sawi a, "By-election ah hian kan tling a nih chuan MNF chuan rinawm takin kan thu tiam kan hlen ang a, sorkar nghet leh tha tak kan siam thei dawn a ni," a ti a, Lawngtlai mipuite chu MNF candidate vote vek turin a sawm a ni.

Lalrintluanga Sailo pawhin thu sawiin, "By-election lo awm turah hian Congress-te nen kan thawhho avangin kan chak ngei ka ring. State-ah sorkar rih lo mah ila, rei loteah kan la ding chhuak leh dawn a. ZPM-te hi an in thurual lo hle a, an sawi loh ang hlirin an awm," a ti.

Tuna MNF MLA 10-te chuan kum 2028-ah a lo berah MLA 27 aia tlem lo an hrin chhuah tur thu a sawi.