Maxicab khalhtute'n kawng thian fai

Mizoram hmar tlangdung kawngpui bera hman Mualmáma leimin vanga kawng nâl lutuk chu nimin khan Mualmam paltlangtu maxicab khalhtute'n hnatlangin an thian fai a, mi 170 vel an thawk chhuak.

May 28, 2024-a Cyclone Remal vanga nasa taka ruahsur avangin Mualmám chhungah leimin metre 170 vela zauin kawngpui a hnawh a, PWD department hmalaknain then fai ni mah se, a chung lam aṭangin lei a tla leh zel ṭhin.

Leimin avangin kawng a nâl a, lirthei leh mihring tan a hlauhawm avangin hmar tlangdung khaw hrang hranga maxicab khalhtute chuan nimin khan an thian fai a ni.

Chirhdiak phuh faina turin Sesawng Pick-up Association-in tui chawiin hnatlang hi an pui bawk.