Dan loa khaw din 51 a awm mek
Mizoram sorkara Local Administrative Deparment (LAD) chhinchhiah danin, MADC leh LADC tih loh district dang parukah sorkar phalna nei loa khaw din khaw 51 a awm mek. Dan loa khaw din hi Lunglei district-ah a tam ber a, Mamit district-ah a awm lo thung.
Khaw per (sub-village) pawh district hrang hrangah 32 a awm mek. Khaw per hi Aizawl district-ah pahnih, Lunglei district-ah 18 leh Mamit district-ah 11 a awm mek a; Kolasib district, Champhai district leh Serchhip district-ahte chuan khaw per a awm lo.
Thu dawn danin, LAD-in dân tlawhchhana V/C kaih-hruaina dan kum 2015-a a siama section 26 (1) leh (2)-ah chuan, sorkar thu lo chuan khaw per leh thlawhbâwk siam khap a ni a; mahse, sorkarin hmasawnna hna a thawh zara khaw din chu a awm fo thu te, dan kalha khaw din a awmin an tam zel chuan politician-te'n hamṭhatna neih tuma hma an lak zel rah a lang ṭhin.
Dan loa khaw din sorkarin a chhinchhiah chu a danglam fo a, a tirah hmalak a nih ngai loh avangin an tam hnuah politics thil vanga duat an hlawh fo thu te, zirna in, biak-in, sub-centre, community hall leh hmasawnna hna hmanga thuam an nih hnua hmalak a awm fo chu mutàn lian tak an nih thu an sawi.
Dân loa khaw dinah buaina a chhuah fo tawh thu sawi a ni a; sorkar hmalaknaa khaw din a, hmalakna a tawp hnua rauhsan ve leh maite pawh an awm fo tawh a ni. Mizorama khaw hming lâr ṭhenkhat pawh sorkar hmalakna vanga khaw din leh sorkar hmun pawimawhte pawh a awm a; chung khuate chu an khaw enkawltu (parent V/C)-te'n V/C hran an pek phal loh a awm nual.
Hetih lai hian, khaw per leh thlawhbâwk chungchanga sorkar dan ding laiin a tarlan dan chuan, 'Sorkarin order siamin, hmun remchang laiah khaw per emaw, thlawhbâwk emaw a hawng thei a, hun bituk leh hmangcháng siamin (terms & condition) mi a chêntir thei,' tih a ni.
Danin a sawi khaw per/thlawhbâwk ni lo chu khaw per/thlawhbawk siam theih a ni lo a; sorkar phalna loa inbêng-belte chu sorkarin ṭhiah ṭula a hriat chuan thla khat chhunga hnawhchhuahna thupek a pe thei.
Thupek hnua hun chhunga an chhuahsan loh chuan mimal chhungkaw tin hnenah ni tin Rs. 100 thleng a chawitir thei a, an chêng zui zel a nih chuan sorkarin an in tichhe turin thupek a chhuah thei bawk.
Tun hnaia MSU-in dan kalha Chakma khaw din nia an sawi, Tuichawngchhuah chu Lunglei district-a awm niin, LAD-in dan loa khaw din a chhinchhiahte zinga mi a ni.
Dan loa khaw dinte
Khua Parent V/C
AIZAWL DISTRICT
Bamboo Processing Plant Dinthar Sairang
Kolabari Sairang Dinthar
Tuikhurhlu Seling
Lungsai Maubuang
Mauphunkawn Darlawng
Damdiai Darlawng
Tuirini Thingsulthliah
CTI Ramthar Sesawng
Mualmam Sesawng
LUNGLEI DISTRICT
Balukiasury Tablabagh
Borkal Tuichawng
Tuichawngchhuah Tuichawng
Sibnasora Tuichawng
Darzoho Serkawn
Denasora Tiperaghat
Gurusora Kalpani
New Balukiasury Kalapani
Khojoysurichhuah Khojoysuri
Maudarh Leite
New Kawnpui Lungpuitlanga
Hmunthar Chawngte-L
Gulsil Chawngte-L
Ngiautlang Chawngte-L
Pachang (Hamlet) Hauruang
Pangtlang Putlungasih
Phainuam Sesawm
Phairuangchhuah Belthei
Saisen Hmundo
Terabonia Marpara 'S'
Thanzamasora Marpara 'S'
Saimur Marpara 'S'
Sedailui Lungrang 'S'
Sihphir tlang Lungsen-II
Sihtlang Khawmawi
Zohmun Zodin
CHAMPHAI DISTRICT
Saikhumphai Vaphai
Tawitawkawn Kawllkuh 'N'
Melhnih New Chalrang
KOLASIB DISTRICT
Dilzau Hortoki
Rashtali (Zodin) Hortoki
Ṭiauzau Hortoki
Gas Plant/Nazareth veng Mualkhang
Keicham Bilkhawthlir
Kharzawl Bilkhawthlir
New Khamrang Khamrang
South Chhimluang Bairabi
Zophai/Awrpuara Veng Bairabi
Seṭhâwn Thingdawl
Tuichhuahen Kolasib
Zero point Kolasib
SERCHHIP DISTRICT
Buhkangkawn Baktawng Vengpui