KHAWTHLIR

Thisen pe

Champhai District Hospital-ah Inrinni khan Champhaia Adventistṭhalaite'n thisen unit 33 an pe a, June 3 khan Khuangleng Bial KṬP-in unit 50 an pe bawk. Inrinni vek khan Central KṬP blood donation calendar angin Dinthar Venthlang Branch KṬP-in Synod Hospital tan thisen unit 22 an pe a; Dawrpui Vengthar West Branch KṬP-te'n Aizawl Civil Hospital tan unit 21 an pe bawk.

Thing phun

Environment, Forest & Climate Change (EFCC), Champhai district hma-laknain World Environment Day pualin Inrinni khan Mualbuhvum, Champhaiah thing phun hnatlang an nei a, thing ṭiak 56 phunin an hung nghal. Thenzawl khawtlang leh E&F department pawhin Inrinni khan kumina Green Mizoram Day hmanna pui ber turah hnatlangin, thing phunna tur kawngpui kam an sâm fai.

Champhaiah DGP

DGP Thianghlima Pachuau chuan tun hnai khan Champhai a tlawh a, police-te chu pawisa hmuhna atan chauha an hna hmang lo tura chahin, "Police kan nih chuan kan hna kan hrechiang tur a ni. Police hi darthlalang ang kan ni a, kan thawh ṭhat leh keimahni tan, kan thawhchhiat leh keimahni tan a nih avangin engtiklai pawn mipui rawn tlakin kan awm tur a ni," a ti.

KVK seminar

KVK, Hnahthial chuan Inrinni khan an hmunah 'Usage of Agrotextiles suitable for Mizoram state and its advantage' tih thupui hmangin kut hnathawktute tan seminar an buatsaih. Synthetic & Art Silk Mills' Research Association-a scientist Anup Karade, KVK-a scientist Tomothy Lalrinfela leh Horticulture scientist Zosangliani Varte ten thil pawimawh an zirtir a; zawhna leh chhanna hun hman a ni.

DRUPA 2016

Printing & Paper Exhibition lian, Dusseldorf, Germany-a DRUPA 2016 neih mekah Mizoram aṭangin Printing & Stationery department-a principal-cum-project manager VL Muanchhana hoin aiawh an intir a; nimin khan New Delhi aṭangin Germany an pan. Tun
ṭum hi Mizoram aṭanga DRUPA-a an tel vawi khatna a ni.