DCSO lakah FIR thehlut

Lalfakzuala, Bilkhaw­thlir chuan May 11, 2016 zana Bilkhawthlir dáia gas tichingpentua puh man kaihhnawihah Kolasib DCSO Biakthangsanga chu a thláma riak tlangval pahnih rîkrâpah puhin, a lakah FIR a thehlut.

Thu dawn danin, Lalfak­zuala hian Bilkhawthlir Police Station-ah FIR a thehlut a, hei hi police-te'n ni 16 an kawl hnuah an pe kir leh a ni. Lalfakzuala hian Court remtihna a lak hnuah June 3, 2016 khan Bilkhawtlir PS-ah vêk FIR a thehlut nawn leh a ni.

FIR-a tarlan danin, May 11, 2016 zana gas tichingpena puh leh gas cylinder 42 man kaihhnawih­ah Lalfakzuala thláma riak tlangval pahnihte chu man tel an ni a; tlangval pahnihte chu Kolasib DCSO chuan pistol-a tinin, police station-a kal turin a ti a, thawmhnaw hâk an dil pawhin a phal lo.

Police-te'n thawmhnaw ha loa kal chu an dawnsawn theih loh thu an sawi hnuah tlangval pahnih chu kawr hâktir an ni. Lalfakzuala chuan, a naute chunga thil thleng chu mihring zahawmna inrahbehsakna a nih thu FIR-ah a tarlang.