Tuiah naupang pahnih tlahlum

June 6, 2016 tlai khan Champhai district-a NE Khawdungsei naupang pahnih - Lunlaljames-a (8) s/o Suahmanga leh Suanngaihawma (7) s/o Sangpua te chu Mimbung leh NE Khawdungsei inkara Tuila luiah an tla a; nimin zing dar 7:30 vel khan an ruang hmuh a ni.

NE Khawdungsei YMA hruaitu Vanlalkunga hnen aṭanga thu dawn danin, Thawhṭanni tlai khan Lunlaljames-a leh Suanngaihawma te hi an
ṭhian dangte nen Tuila luia chêng turin an kal a, an zinga palite chauh an haw avangin, zan dar 11:30 velah YMA hruaitute'n thil awm dan an zawhfiah hnuah an
ṭhiante pahnih chu tuiah an tlak thu an sawi.

NE Khawdungsei tlangvalte chu zan dar 12 velah naupangte tui chenna hmunah an kal nghal a, zankhuaa an zawn hnuah nimin zing khan an tlakna aṭanga metre 300 vela hlaah an hmu a ni.

Naupangte sawi danin, Suanngaihawma chu chesualin, tuiin a la a, Suanngaihawma chhan a tumna lamah Lunlaljames-a chu tuiin a la ve leh a ni.