MP-in hmasawnna hnathawh a tlawh

Rajya Sabha MP Ronald Sapa Tlau chuan Thawhṭanni khan Serchhip khaw chhunga hmasawnna hna thawh mekte a hmuna kalin a enfiah.

Ronald Sapa Tlau hian Serchhip VC-VII huam chhunga leimin danna leh kea kalna tur MGNREGS sum Rs. 3,50,000 hmanga siam te, Serchhip P&E Venga tuizem lian litre 6,00,000 dawng Rs. 25,23,000 senga siam te, Rs. 60,00,000 senga District Research Office sak mek te, Rs. 90,00,000 senga District Agriculture Office sak mek leh, Soil & Water Conservation department office-te a tlawh a ni.

Rajya Sabha MP hi Serchhip DC Dr Lalrozama, Serchhip DRDA project director Teresy Vanlalhruaii, PHE superintending engineer Lalhruaia, PWD superintending engineer Zothansang Intoate leh Serchhip BDO Vanlalrova ten an ṭawiawm.