Hmun hnihah ruang chhar

Nimin chawhnu dar 1:30 vel khan Aizawl aṭanga Phunchawng thlen hma deuhah ruang chhar a ni a; nimin vêk khan Champhai district-a Ngúr khua aṭanga km. 20 vela hlaah pawh ruang chhar a ni.

Ngur khaw bula ruang chhar hi Vanlalpeka (24) s/o HC Lalthangzauva, Ngur khua a ni a, amah hi June 4, 2016 zing aṭangin a awmna chin hriat a ni lo. A chhungkhat laina hnaite'n an zawng a, an hmuh mai loh avangin nimin aṭang atang khan khawtlangin an zawng a, zing dar 8 velah Ngur aṭanga km. 20 vela hlá, Keitlanga rama meihawl rawhna khurah thia hmuh a ni.

Phunchawng thlen hma ruang chhar hi Murmua (60), Thenzawl Vengthlang a ni. Police aṭanga thu dawn danin, Murmua taksaah hliam hnuhmá hmuh a ni lo a, postmortem a nih hnuah a ruang hi a chhungte'n an la a ni.