Sorkar laipui scheme hnuaia Hmasawnna hnathawh thlirho

Lunglei District Level Vigilance & Monitoring Committee chu nimin khan Circuit House con-ference hall-ah an chairman CL Ruala, Lok Sabha MP hoin an ṭhukhawm a, sorkar laipui scheme hnuaia hnathawhte an thlirho.

Lok Sabha MP chuan, Committee member-te chu mipui tana rawng-bawltu an ni tih hria a, sorkar ruahmannate chu ṭha taka tihhlawhtling turin a chah a, "Sorkar kut leh ke an nih avangin a hlawhtlinna chu official-te chungah thui tak a innghat a ni," a ti.

Meeting-a tarlan dan-in, Lunglei district tan MGNREGS hnuaiah kum 2015-16 chhungin ni 72 daih inhlawhna tur cheng nuai 5317.02 hmuh a ni tawh a, ni 48 inhlawhna siam a ni a; sum dawn tlai vangin ni 24 atan inhlawhna siam leh vat beisei a ni.

Indira Awas Yojana (IAY) hnuaiah Lungleiah in 97 sa tura ruahman
aṭangin in 72 sak zawh tawh a ni a; Swachh Bharat Mission (Gramin) hnuaiah RD Block pali – Lunglei, Lungsen, Bunghmun leh Hnahthial block-ahte individual household latrine (IHHL) 1,651 sak a ni tawh.

National Health Mis-sion kaltlangin infant mortality rate (IMR) a tlahniam zel a, Janani Suraksha Yojana (JSY) leh Janani Shishu Suraksha Karyakaram (JSSK) kal-tlanga nu leh nausente hnenah ham-thatna pek a ni.

Sarva Shiksha Abhi-yan (SSA) hnuaiah zun-in 121 sak tawh niin, kum thar aṭangin sikul 20 thawm ṭhat hna kalpui a ni a; Rashtriya Madhyamik Siksha Abhijan (RMSA) hnuaiah zirtirtute leh zir-laite capacity building hrang hranga kalpui a ni bawk.