Financial education Training buatsaih

National Institute of Securities Markets (NISM), Mumbai chuan nimin khan SCERT Auditorium-ah Financial Education training prog-ramme an buatsaih a, School Education minister H Rohluna'n a hmanpui.

H Rohluna chuan, financial education chu zirna bung thar kaina tur a nih thu sawiin, "Financial literacy-ah kan hniam em avangin training hi buatsaih a ni. 2011 Chhiarpuiin a tarlan angin, ram pumah ziak leh chhiar thiam tam lamah pathumna dinhmun hauh mah ila, sum leh pai enkawl lamah kan la hnufual hle a, hei hian ram sum leh pai dinhmun ṭhanna tur pawh a ti-
ṭhuanawp hle a ni," a ti.

School Education Minister sawi danin, Mi-zoram sorkar chuan financial education bul
ṭanna atan sikul 120 a thlang a, chuta tan chuan NISM, Mumbai chuan pawl 6-10 zirlaite tan zirlaibu a pek dawn bak-ah, zirtirtute a ṭul angin a zirtir ṭhin dawn a ni.

Training hawnnaah hian NISM director San-di Ghose-a'n financial education pawimawihna leh ṭangkaina hrang hrangte a sawi.