Zirtirtu Aizawla awm rengte sawn chhuah an ni dawn

School Education minister Dr Vanlalthlana chuan, Aizawl khawpui leh thingtlangah zirtirtu dinhmun a inthlauh avangin zirtirtu, Aizawla awm rengte chu sawn chhuah an nih dawn thu a sawi.

Nimina a pisaa thuthar thehdarhtute a kawmnaah Education Minister chuan, zirtir­tute'n Aizawla awm an duh vek thu a sawi a, "Aizawla awm reng bikte chu sawn chhuah a ni dawn a, kan buaipui mek. Kan ngam loh ring an awm a, kan ngam khawp ang," a ti.

Dr Vanlalthlana chuan, sorkar sikul leh sorkarin a puih sikul zinga HSLC leh HSSLC result nei chhe lutukte chu insawifiah tura tih an nih thu sawiin, "An rawn insawifiahna aṭangin a ṭul angin hma kan la ang. Puih an ngaih pawhin kan pui ang," a ti a, páwng dem ngawt theih an nih bik loh thu a sawi.

School Education Minister sawi danin, result nei chhe deuh sikul zingah Mathematics leh Hindi zirtirtu nei miah lote pawh an awm a; chutiang a nih lai chuan, sikul ṭhenkhatah chuan zirtirtu an indaih lutuk thung. Chuvang chuan zirtirtute chu sikulah sem rual an ni dawn a ni.