Central-in Mizorama chhiatna enfiah dawn

Cyclone Remal vanga Mizorama chhiatna thlengte chu sorkar laipui hotute'n a hmunah an rawn enfiah dawn. Central team hi June 22, 2024-ah rawn thlengin, ni 3/4 vel a hmunah an endik ang a, Mizoram sorkar hotute an kâwm bawk ang.

Sorkar laipui aiawhte chu Home Ministry-a Joint Secretary-in a rawn ho dawn a; ministry dang panga - Agriculture, Finance, Jal Shakti, Road Transportation & Highways leh Rural Development aiawhte an tel dawn. Anmahni lo dawnsawn dan tur nimin khan Chief Secretary hoin sorkar official-te'n an sawiho a ni.