Ráltlân thawn lêt MNF-in pawi an ti

MNF party chuan thuchhuah siamin, Bangladesh-a Zo hnahthlakte'n buaina an tawh avanga Mizorama ráltlâna rawn lut mi 200 chuangte BSF-in an thawn lêt leh chu pawi an tih thu an tarlang.

MNF chuan, "Heng nunaute hi Bangladesh-a an khuaa let leh ngam tawh loin ramhnuaiah khawchhe karah an tangkhang mek a, an zingah naupang leh kum upa ṭhahnem tak an tel a, a pawi kan ti hle a ni," an ti.

Bangladesh aṭanga Zo hnahthlak ráltlânte'n harsatna nasa tak an tawh laia ngawi tlatah MNF chuan Mizoram sorkar an puh a, "A pawi kan ti hle. Zo hnahthlak ram hrang hranga ṭhendarha awmte tan in pui kan nih chhunzawm theih nan sorkar hian ngaihtuahna hmang se kan duh hle... Tun sorkarah kan unaute'n harsatna an han tâwk a, sorkar a ngawi tlat hi hriatthiam har kan ti hle," tiin, raltlante chu ngaihtuah turin sorkar an ngen.