Supply Minister-in Mamit tlawh

Food, Civil Supplies and Consumer Affairs minister B Lalchhanzova chuan nimin khan Mamita FCSCA pisa a tlawh a, Mamit district-a Supply centre hrang hranga thawkte nen an inkâwm. Minister chuan, thawktute chu thawhhona ṭha tak nen an hna thawk turin a chah.

Mamit district civil supply officer Lalneihkima sawi danin, Mamit district-ah supply centre 13 a awm a, Mamit district-a kudamah thla ruk chhung daih buhfai a awm. DCSO pisaah thawktu 18 an awm mek a, an harsatnate Minister hnenah an lo thlen a ni.