MADC MDC by-election turah Nomination hnâwl a awm lo

Mara Autonomous District Council (MADC)-a Chakhei MDC biala by-election tura nomination thehluhte chu nimin khan returning officer VL Hruaizela Khiangte, bawrhsap hoin endik a ni a, candidate nih tuma hming pe zingah hnâwl an awm lo.

MADC MDC by-election neih turah hian candidate pathum an awm dawn a; chu'ngte chu - BJP candidate Albert TT Sachu, MNF candidate KC Ngobei leh ZPM candidate T Essa te an ni. June 28, 2024-ah vote thlak a ni ang.

Chakhei bialah hian bialtu MDC K Hrahmo chu kum 2023 Assembly inthlanpuiah MLA atan thlan tlin a nih avangin MDC a nihna aṭangin a báng a, chuvang chuan by-election neih a ngai ta a ni.