Biometric enrolment-a ráltlânte thun turah central thu ngaichâng

Myanmar leh Bangladesh aṭanga ráltlânte biometric enrolment hmanga chhinchhiah chungchangah Mizoram sorkar chuan sorkar laipui thu a ngaichâng mek.

Home department hotute hnen aṭanga thu dawn danin, Myanmar leh Bangladesh aṭanga Mizorama ráltlânte biometric enrolment hmanga chhinchhiah turah sorkar laipui thu ngaihchàn mek a ni a, thupek hmuh a nih veleh hmalak a ni ang. Ziah luhna tur portal pawh peih a ni tawh.

Tarlan tawh angin, chief minister Lalduhoma chuan sorkar laipuiin biometric enrolment tihna atan illegal migrant portal hmantir a tum avangin Union Home Minister hnenah ráltlânte'n thawn haw an hlauh thu a hrilh a ni.

Chief Minister chuan, "Union Home Minister hi thawn haw an hlauh avangin thawn kìr an ni dawn lo tih min tiam tura ka tih angin, an ram dinhmun thlirin, hawna chi a nih hma chuan thawn haw loh min tiam a ni," a ti.