MLA-in sum leh pai duh vanga Kristianna hralh lo turin ngen

Mara Autonomous District Council (MADC)-a Chakhei biala MDC by-election neih tura campaign a kal MNF adviser Lalrintluanga Sailo, MLA chuan sum leh pai duh vanga Kristianna hralh lo turin mipuite a ngen.

Lalrintluanga Sailo chuan Manipur-a BJP sorkarna hnuaiah Hindu-te'n nasa takin Kristiante an tiduhdah a, biak-in an hâl tih sawiin, "Mizorama MLA bial 38-ah BJP candidate an nil a, chutih laiin Siaha leh Palak biala BJP candidate chawimawia an awm tlat hi in inenfiah a ngai. Sum leh pai duh avangin kan Kristianna hi hralh lo ang u," a ti.

Tun hnaia MP inthlanah BJP-in seat 400 vel la se chuan Indian Constitution tihdanglam a, Kristiante nêkchêpna pawh an kalpui nasa hle a rinawm thu sawiin Lalrintluanga chuan, "MDC by-election-ah hian BJP candidate lo hnâwl ngei ngei rawh u," a ti a; sorkar hmasa thil tih ṭhat tam tak chhunzawm duh lotu sorkar hnuaia ZPM candidate pawh hnâwl turin a chah bawk.