BJP tlin chuan vbc. 550 min pe dawn - BJP President

BJP chuan nimin khan AMC Ward XIX by-election neih tur atan Tlangnuamah vantlang inkhawm an buatsaih a, Mizoram BJP president Vanlalhmuaka chuan, an candidate thlan tlin a nih chuan AMC enkawlna atan sorkar laipuiin cheng vbc. 550 a pe dawn niin a sawi.

Vanlalhmuaka chuan, AMC enkawl­na atana kum khata sum kan hmuh chu cheng vbc. 39 vel a nih thu sawiin, "BJP candidate thlan tlin a nih chuan chuan AMC inenkawlna atan central-in cheng vbc. 550 min pe dawn. Cheng vbc. 39 nena tehkhin chuan tam tak a ni. AMC-in a ṭhatpui hle ang," a ti.