MADC-a by-election tur sawiho

Siaha district election officer VL Hruaizela Khiangte, bawrhsap chuan June 19, Nilaini khan Mara Autonomous District Council (MADC) hnuaia Chakhei MDC constituency leh VC pathuma by-election neih tur chungchangah NGO leh political party aiawhte a kâwm a; inthlanna felfai leh thianghlim a awm theih nan thawhpuiah a sáwm.

Bawrhsap chuan, State Election Commission (SEC)-in a phût angin inkawmhona buatsaih a nih thu a sawi a, "Inthlanna felfai leh thianghlim tak awm turin Election official-te'n engkim kan ti vek seng lo a, NGO leh party lamte'n theihtawp min chhuahpui a ngai. Tun inthlan lo awm turah pawh sum leh pai sèn nasat lutuk awm lo tura kan thawhho a ṭul a ni," a ti.