Rangkachak suam thubuai Police-in mi 14 an mante Bail-in an chhuak vek tawh

Rangkachak tawlhrûk suam thubuaia police-in an man mi 14 zinga Assam Rifles sipai pariat leh civil mi pakhat chu nimin khan Aizawl Chief Judicial Magsitrate (CJM) chuan ni 60 chhung atan bail-in a chhuah leh a; heti hian he thubuaia police-in an man tawhte chu bail-in an chhuak kim ta.

Police-te chuan rang-ka-chak tawlhruk suam thubuaiah hian mi 14 an man a ni. Court chuan a hmain mi parukte chu bail-in a lo chhuah tawh a; nimin khan mi pakuate chu bail-a chhuah leh an nih tâk avangin, he thubuai kaihhnawiha mante chu bail-a chhuah kim an ni.

He thubuaiah police-te chuan AR sipai 10 leh civil mi pali an man a, civil mi an mante chu - Lal-muanawma Mathipi, Zonuam; Bulaki Chand Baid, Laipuitlang; Lalro-siama, Kanan Veng leh Zobiakkima, Luangmual-te an ni.

39 AR sipai an mante chu - commandant Col. Jasjit Singh, Sub. KC Roy, Hav. Ganesh Mahto, Hav. Balbir Singh, Hav. L John Singh, Hav. Raja Pati leh, rifleman pali - Ramnunsanga, Lalfakawma, Pachhunga leh S Madhu te an ni.

He thubuai chung chang hi Mizoram sorkar chuan Central Bureau of Investigation (CBI) hnenah chhui turin rawtna a thlen tawh a; CBI hian an chhui dawn leh dawn loh hriat a la ni lo.