Mizoramah Yoga Day hman a ni

Nimin July 21 kha International Day of Yoga a ni a, Mizoram hmun ṭhenkhatah hman a ni. Yoga Day-ah hian thupui a awm ṭhin a, kumina thupui chu 'Yoga for self and society' tih a ni.

Aizawlah chuan Hawla Indoor Stadium-ah Yoga Day hman a ni a, Governor Dr Hari Babu Kambhampati khuallian niin, chief secretary Dr Renu Sharma khualzahawm a ni. AYUSH hnuaia thawk te, Mizo Air Squadron leh Mizo NCC 20 Bn.-a mite leh Health department hotute an tel a; khuallian leh khualzahawmte'n thu an sawi bakah, Health principal director Dr Vanlalsawma leh Health secretary Sangchin Chinzah ten thu an sawi.

Yoga Day hi Lungleiah pawh C Ṭhuamluaia Mualah hman a ni a, NCC naupangte (cadets)-te leh sorkar official ṭhenkhat an tel a ni.

Assam Rifles pawhin Yoga Day hi Aizawl, Lunglei, Serchhip leh ramri hnaiha an post hrang hrangah an hmang bawk.