Hmasawnna ngêlnghet sawiho

Mizo Academy of Sciences (MAS) chuan nimin khan Pachhunga University College seminar hall-ah General Body Meeting vawi 25-na leh Science & Technology for Sustainable Development sawihona an hmang a, minister of state Prof. Lalnilawma’n a hmanpui.

Prof. Lalnilawma chuan, sustainable development (hmasawnna ngelnghet) tih ṭawngkam chu hmanna a rei tawh ang hûin a taka hmasawnna hmuh tur a awm danah inenfiah a pawimawh thu a sawi a, "Science hmasawnna hian ram leh a mipui tan hmasawnna a keng tel tur a ni a, hmasawnna reng reng chu sustainable development anga kalpui a nih loh chuan awmzia a nei thui thei lo," a ti.

Science thiamna chu a ṭha zawng leh a chhe zawnga hman theih a nih thu sawiin Minister chuan, "Mizoramah chuan thil ṭha tihna atan hman a ni ber hi a lawmawm. Science lama mithiamte hian an thiamna leh thuziakte chu Mizo ram leh hnam, khawtlang leh mipuite nunphung tih hmasawn nan hmang se ka duh a ni," a ti a; MAS member tun hnaia Ph.D, NET leh GATE hmu tharte a lawmpui thu a sawi.

MAS-ah hian member 502 an awm mek a ni.