ṬBCC-ah a thlawna inentirna buatsaih

Central YMA leh Mizoram Chemists & Druggist Association chuan June 22, Inrinni khan Ṭawngṭai Bethel Camping Center (ṬBCC)-ah Medical Health Camp an buatsaih.

A thlawna inentirna ṭan hmain hawnna inkhawm buatsaih a ni a, CYMA Health & Sanitation Sub-Committee chairman HC Zonunthara'n a kaihruai. CYMA treasurer Roneih-thanga, Mizoram Chemist & Druggist Association president Lalhruailiana Sailo leh ṬBCC director TT Zohmingthanga ten thu an sawi.

Health Camp-ah hian doctor 11, Mizoram Synod hnuaia missionary nurse thawk mek te, medical refresher course training lai mi 10 leh Aizawl Hospital-a opthalmic assistant pathumte'n ṬBCC-a awmte hriselna an enfiah a; Mizoram Chemist & Druggist Association-in Rs 5,00,000 vel man dam­dawi an tum a ni.

ṬBCC-ah hian mipa 973 leh hmeichhia 142 an awm mek a ni.