School Education consultant-ah Rev. Dr K Thanzauva ruat

Mizoram sorkar chuan School Education department consultant atan Rev. Dr K Thanzauva a ruat. Rev. Dr K Thanzauva hi ZPM vice president ṭhin a ni.

DPAR-in Rev. Dr K Thanzauva consultant-a ruat a nihna order a tihchhuaha tarlan danin, Mizoram sorkara secretary tlukpui (rank) a ni dawn a, thla khatah lawmman (honorarium) Rs 35,000 a dawng ṭhin ang.

Secretary rank ni mah se, office leh chenna pek a ni dawn lo a, dearness allowance, medical reim­bursement, etc. pawh a nei dawn lo. Hna thila a zin chhuah chuan travel­ling allowance a nei dawn thung.

Rev. Dr K Thanzauva hna ber tur chu Mizoramah zirnain hma a sawn theihna atana hmalak a ni a; consultant a nih angin Mizoram Education Reforms Committee-ah ex-officio member a ni nghal bawk.