Myanmar-a bungrua Lawngtlai district kaltlanga lak luh khap

Central Young Lai Association (CYLA) chuan nimin aṭang khan thu leh awm hma chu Myanmar ram chhunga bungruate Lawngtlai district kaltlanga lak luh an khap.

CYLA chuan thuchhuah siamin, Mizoram aṭanga Myanmar lama bungraw phurh chhuah ṭhin ngun taka an zir chian hnuah, bungraw la chhuaktute'n an mipuite ei leh bar harsatnate phurûk nan chauh an hmang tura an ngaih laiin, Chin unau khawchhaka awmte nen inkâpin, indona hmanruaah leh an thâ tihchak nan an hmang a ni tih an hriat thu an tarlang.

Thil kal dan chu ṭha lo hlea an hriat thu tarlangin, "Arakan lamte hnenah Chin unaute nen an indo titawp turin vawi tam ngenna siam a nih hnuah pawh chhàn lêtna kan dawng lo. Kan ram chhungah ralthuam kengin an lo lut leh zel a ni tih kan hriatin ṭha lo kan ti hle a ni," an ti.

CYLA chuan nimin aṭang khan thu leh awm hma chu Myanmar rama bungrua lak luh an khap a, "He sumdawnna kawnga telte leh Mizoram mipuite'n kan hmalakna hi kan ram leh kan hnam tana ti kan ni tih min hriatsaka min thlawp tlat turin kan ngen a che u," an ti a, ramria awm khuate pawh zâwm turin an chah a ni.